Sylvinho para ndeshjes me Gjeorgjinë: Na shërben vetëm fitorja, jemi ekip i fortë

Trajneri i Kombëtares, Sylvinho, para ndeshjes me Gjeorgjinë në një konferencë me gazetarët.

“Gjeorgjia ka lojtarë shumë të mirë, secili nga lojtarët që do të futen në fushë do të ketë cilësi dhe duhet të jemi të kujdesshëm.

Kemi shpenzuar shumë energji në ndeshjen e kaluar, ishte një ndeshje e vështirë. Do jetë edhe kjo një ndeshje e vështirë, por në grupin që jemi ndodhin surpriza. Kemi lojtarë që u besojmë 100% për t’u futur në fushë”, tha trajneri.

A ndiheni në presion para kësaj ndeshje?

“Nesër duhet të marrim pikë, pasi bëhet i vështirë objektivi. Na shërben vetëm fitorja. Ata janë shumë të fortë, por dhe ne jemi ekip shumë i fortë”, u përgjigj Sylvinho.