Haradinaj kërkon mbështetje financiare nga anëtarët dhe simpatizantët e AAK-së

Ramush Haradinaj, kryetari i Aleancës për Ardhmërinë e Kosovës (AAK), ka kërkuar mbështetje financiare nga anëtarët dhe simpatizantët e partisë në prag të zgjedhjeve të 9 shkurtit.

Në një thirrje të bërë publike, Haradinaj shprehu falënderimet për mbështetjen e vazhdueshme dhe angazhimin e përbashkët për të përmbushur objektivat politike të AAK-së dhe të Kosovës.

Ai theksoi se, në përputhje me ligjin e Kosovës, individët mund të kontribuojnë deri në 2 mijë euro brenda një viti kalendarik, ndërsa personat juridik mund të dhurojnë deri në 10 mijë euro.

Të gjitha kontributet duhet të bëhen përmes llogarisë zyrtare bankare të AAK-së.

Postimi i plotë i Haradinajt në Facebook:

Të nderuar anëtarë dhe simpatizantë të Aleancës për Ardhmërinë e Kosovës,
Dua të shpreh falëndërimin dhe mirënjohjen time për mbështetjen tuaj të vazhdueshme, për punën, angazhimin dhe vizionin tonë për Kosovën. Pa këtë mbështetje do ta kishim të vështirë funksionimin tonë, në përputhje me objektivat dhe sfidat që i kemi si Parti e si Shtet.
Praktikat e vendeve demokratike, por edhe baza ligjore e Kosovës, e parasheh edhe mbështetjen financiare për parti politike, e cila njëkohësisht përcakton edhe limitin prej 2 mijë eurosh brenda një viti kalendarik, për personat fizik dhe 10 mijë për personat juridik.
Për të gjithë ju që e konsideroni dhe keni vullnet për mbështetje financiare për AAK-në, atë mund ta bëni vetëm përmes llogarisë bankare të AAK-së. E vlerësojmë çdo ndihmë, sado modeste të jetë.
Llogaria: XK05 1501110000418627
Përshkrimi: Kontribut për subjektin politik AAK.
Miqësisht,
Ramush Haradinaj,
Kryetar i AAK