Kryetari i PDK-së, Bedri Hamza, në një konferencë për media ka thënë se kanë hyrë në tri ditët e fundit të fushatës zgjedhore, duke falënderuar qytetarët për pritjet gjatë takimeve në të gjithë vendin.

Ai ka ftuar qytetarët që të marrin pjesë në takimin përmbyllës të së shtunës, duke theksuar se “Kosova do të ndryshojë”.

Hamza ka theksuar se, sipas tij, një qeveri e udhëhequr nga PDK do ta trajtojë arsimin si prioritet, duke vendosur në qendër rininë e Kosovës dhe zhvillimin e saj profesional.