Ish-presidentja, kandidate edhe për një mandat me Lidhjen Demokratike të Kosovës, Vjosa Osmani, pasditen e së martës ka qëndruar në vendlindjen e saj, Mitrovicë.

Në Qendrën e Kulturës “Rexhep Mitrovica”, Osmani u prit me thirrje të shumta “Vjosa, Vjosa, Vjosa”, teksa e gjithë salla u ngrit në këmbë.

E vetë ish-presidentja, Mitrovicën e quajti “dashni të përjetshme”.

“Qytet i qëndresës dhe i zemrave të mëdha. I njerëzve që nuk dorëzohen kurrë, që e duan vendin e tyre me shpirt dhe që e mbajnë gjallë krenarinë e Kosovës në çdo hap”, shkroi Osmani në Facebook.