Kosova pjesëmarrëse në Botërorin e Kickbox-it, gara mbahet në Uzbekistanin mosnjohës

Nga sot deri më 29 shtator, në Tashkent të Uzbekistanit do të zhvillohet Kampionati Botëror i Kicbox-it për senior.

Siç bën të ditur federata e këtij sporti me anë të një postimi në Facebook,  Kosova do të paraqitet me kickboksierin Ermal Ferati i cili do të udhëhiqet nga trajneri Ilir Menxhiqi, transmeton Klankosova.tv.

“Ferati dhe Menxhiqi, së bashku me Kryetarin e Federatës së Kickbox-it, Fatmir Makolli tashmë janë nisur drejt Uzbekistanit me bindjen e plotë se do të arrijnë suksese të tjera pas atyre të kampionateve të mëparshme gjatë këtij viti”.

“Kujtojmë se Uzbekistani është vend i cili ende nuk e ka njohur shtetësinë e Kosovës dhe vet pjesëmarrja në këtë kampionat është suksese në vete duke ditur se në shumë raste ka qenë pikërisht sporti ai që ka bërë që flamuri i Kosovës të valojë edhe në vendet që janë kundër Kosovës si shtet i pavarur”, thuhet në njoftimin e Federatës së Kickox-it të Kosovës.