Në prag të ndeshjes miqësore Çeki–Kosovë, presidenti i Federatës Çeke të Futbollit, David Trunda shtroi drekë për delegacionin e FFK-së.

“E përgëzova presidentin Trunda për suksesin e Kombëtares së Çekisë dhe kualifikimin në Kupën e Botës 2026, duke i uruar paraqitje sa më dinjitoze atje”, ka shkruar presidenti i FFK-së, Agim Ademi.

Ai ka theksuar se oresidenti Trunda vlerësoi progresin e futbollit të Kosovës dhe cilësinë e Kombëtares sonë, duke shprehur respekt për punën që po bëjmë në zhvillimin e futbollit në vend.

“Takimet e tilla forcojnë bashkëpunimin mes federatave tona dhe pa dyshim e pasurojnë frymën e respektit brenda familjes evropiane të futbollit”, ka shkruar Ademi.