Për të tretin vit radhazi, Banka Qendrore e Kosovës ka transferuar në llogarinë e Thesarit pjesën e fitimit vjetor, ashtu siç parashihet me ligj.

Sipas njoftimit të ministrit në detyrë të Financave, Hekuran Murati, këtë vit janë transferuar 12 milionë euro në buxhetin e shtetit.

Murati thekson se në 18 vjet shtet të pavarur, vetëm tri herë BQK ka realizuar transferim të fitimit në Thesar, dhe të gjitha këto raste janë shënuar në tri vitet e fundit.

Ky zhvillim, sipas tij, paraqet një praktikë të re të konsolidimit financiar dhe rritjes së kontributit të institucioneve të pavarura në buxhetin e shtetit.