Kreu i LDK-së, Lumir Abdixhiku, është deklaruar pas takimit me kryeministrin Albin Kurti, duke bërë të ditur se nuk është arritur marrëveshje për çështjen e presidentit.

Ai tha se nga pala e Lëvizjes Vetëvendosje janë paraqitur dy opsione për bashkëpunim, transmeton Klankosova.tv.

“Ne kemi pasur dy propozime deri më tani. I pari ka qenë për pjesëmarrje në qeveri, ku LDK-së i jepej pozita e zëvendëskryeministrit dhe katër ministri. Propozimi i dytë ka qenë pozita e kryeparlamentarit, por në të dy rastet ka pasur insistim që pozita e presidentit të mbetet te Vetëvendosje”, ka deklaruar Abdixhiku.