Daut Haradinaj, ka zhvilluar një takim me qytetarë në fshatrat e Deçanit, vetëm një ditë para hapjes së madhe të fushatës zgjedhore të AAK-së në Gjakovë.

Përmes një postimi në Facebook, Haradinaj tha se mbrëmja e sotme nisi “mbarë në Deçan”, bashkë me banorët e Carrabregut të Ulët, Carrabregut të Epërm, Llukës së Epërme dhe Ledinës, të cilët i cilësoi si njerëz punëtorë dhe të palodhur.

“Sonte e nisëm mbarë në Deçan, pak para hapjes së madhe të fushatës në Gjakovë. Bashkë me njerëzit e mirë, punëtorë dhe të palodhur të Carrabregut të Ulët, Carrabregut të Epërm, Llukës së Epërme dhe Ledinës”, ka shkruar Haradinaj.