Presidenti i Federatës së Futbollit të Kosovës, Agim Ademi, ka reaguar pas prezantimit të sponsorit të ri teknik të përfaqësueses së Kosovës, duke e cilësuar bashkëpunimin me Adidas si fillimin e një kapitulli të ri për futbollin kosovar.

Përmes një postimi në ‘Facebook’, Ademi ka thënë se nga sot Kosova vishet me gjigantin botëror Adidas, derisa shprehu besimin se ky partneritet do t’i sjellë vendit krenari, energji dhe suksese të reja.

Postimi i Ademit:

Me këmbë të mbarë me Adidas! 👟⚽️

Nga sot, Kosova vishet me gjigantin botëror Adidas.

Një kapitull i ri që na jep forcë, krenari dhe energji për suksese të reja.

Uroj që rrugëtimi me sponsorin e ri teknik të na ecë mbarë dhe të jetë i mbushur me arritje të mëdha.

Nga finalja e UEFA Conference League në Leipzig, Dardanëve u uroj grumbullim të mbarë dhe të suksesshëm për dy miqësoret kundër Çekisë dhe Andorrës. 🇽🇰🔥