Komisioni Disiplinor i Trepça Sh.A. e largon edhe një punëtor tjetër nga puna

Ndërmarrja Trepça Sh.A. ka bërë të ditur se e ka larguar nga puna edhe një punëtor tjetër, V.G.

Në njoftimin e lëshuar thuhet se kjo u bë pas shqyrtimit publik të Komisionit Disiplinor.

“Me datën 26.8.2024  Komisioni Disiplinor mbajti shqyrtimin publik lidhur me rastin e z. V.G. bazuar në kërkesën për inicimin e procedurës disiplinore me nr.prot:1480 e dt. 9.11.2023, pas mbajtjes së shqyrtimit publik Komisioni Disiplinor ka vërtetuar se i njëjti ka kryer shkelje të rëndë të detyrave të punës nga neni 10 paragrafi 1 nën paragrafi 1.5, 1.8, 1.16, 1.24, 1.39 dhe 1.52 i Rregullores nr.prot. 2906 dt. 30.7.2020 për përgjegjësinë disiplinore dhe materiale të punëtorëve të Trepça Sh.A.”, thuhet në njoftim

“Komisioni Disiplinor ka sjellë vendim me nr.prot:4637 të dt. 26.8.2024 dhe ka shqiptuar masën disiplinore ndërprerja e marrëdhënies së punës për V.G.”.