Kurti: Urat na bashkojnë, e bashkë le ta bëjmë atë simbol të normalizimit

Kryeministri Albin Kurti ka thënë se protesta e mbajtur të mërkurën në Mitrovicë të Veriut përfundoi pa asnjë incident.

Ai ka falënderuar institucionet e sigurisë që garantuan mbarëvajtjen e qetë të saj.

“Protestat janë e drejtë demokratike të cilën e gëzojnë dhe mund ta ushtrojnë të gjithë qytetarët e Republikës sonë, pa dallim. Komuna e Mitrovicës së Veriut nesër prej orës 11:00, në hapësirat e Kuvendit Komunal, organizon takim dhe bashkëbisedim me qytetarë, aktivistë të shoqërisë civile dhe përfaqësues të mediave lokale me temën ‘Bashkëpunimi ndëretnik, këshillim komunal për siguri në bashkësi, bashkëpunimi në mes të institucioneve dhe shoqërisë civile’. I ftoj bashkëqytetarët tanë të komunitetit serb që të marrin pjesë në këtë diskutim të përbashkët në të cilin do të mund të njoftohen mbi përfitimet nga hapja e urës dhe të shprehin shqetësimet e tyre të cilat do të trajtohen nga përfaqësuesit tanë institucionalë dhe institucionet e vendit”, ka thënë Kurti.

Ai ka shtuar se për shumë gjatë Ura e Mitrovicës mbi Ibër na ka mbajtur në distancë.

“Asaj padrejtësisht i është dhënë epiteti i ndasisë dhe marrëdhënieve jonormale. Urat na bashkojnë, e bashkë le ta bëjmë atë simbol të normalizimit.