“Vinicius do ta fitojë ‘Topin e Artë’”

Trajneri i Real Madridit, Carlo Ancelotti ka dhënë verdiktin e tij në atë se kush duhet të fitojë “Topin e Artë” për vitin 2024. Ai ka përmendur emrat e mundshëm që po konsiderohen në listën e ngushtë për të fituar çmimin individual, por ka zgjedhur të “preferuarin e tij”.

Ancelotti, tha se Vinicius do ta fitojë “Topin e artë”, teksa ka dhënë arsyet e tij për këtë, duke përmendur edhe dy futbollistët e tjerë të skuadrë së tij, Dani Carvajal e Jude Bellingham.

“Vinicius Jr do të fitojë Topin e Artë, për mendimin tim. Carvajal gjithashtu bëri shumë mirë, ai fitoi La Ligën, Ligën e Kampionëve dhe shënoi në finale, fitoi Euron…Por Vinicius… lojtar i talentuar, i ri, imazh i mirë, fitoi La Ligën, fitoi Ligën e Kampionëve duke shënuar në finale dhe gjysmëfinale. Ai shënoi dy në Munich!”, ka thënë Ancelotti. “Jude pati një sezon fantastik. Fitimi i Ligës së Kampionëve, fitimi i ligës dhe ishte një surprizë e madhe. Lojtari më i mirë i sezonit të ligës”, ka thënë ai. Ai e përmendi edhe Rodrin, i cili e cilësoi një mesfushor fantastik. “Rodri është gjithashtu një mesfushor fantastik, një nga mesfushorët më të mirë në garë dhe konsistent”, u shpreh ai.