Hovenier uron Laura Fazliun për medaljen e bronztë në Lojërat Olimpike “Paris 2024”
Ambasadori i Shteteve të Bashkuara të Amerikës në Kosovës, Jeffrey Hovenier, e ka uruar Laura Fazliun për medaljen e bronztë në Lojërat Olimpike “Paris 2024”.
“Urime Laura”, ka shkruar Hovenier në një postim në platformën X, derisa e ka shpërndarë një shkrim të Komitetit Olimpik të Kosovës në të cilin i urohet medalja e fituar Laurës.
Mitrovicasja bëhet xhudistja e dytë kosovare në Paris që arrin të kurorëzohet me medalje. Para saj, Distria Krasniqi e rrëmbeu të argjendtën.
Fitorja e “Lakit” erdhi në Golden Score, pasi kundërshtares së saj iu dhanë tri “Shido”, 2 për pasivitet në luftë dhe një për shtyrje.
Kjo është hera e parë që 23-vjeçarja kosovare merr pjesë në Lojëra Olimpike.