Arsenali e ka fituar titullin e parë të Premier Ligës në 22 vjet pas një sezoni shumë të sikletshëm dhe një gare për titull me Manchester Cityn.
Topçinjtë u shpallën kampion pasi Manchester City u ndal me barazim 1-1 nga Bournemouth, ndërsa kështu ekipi i Mikel Artetas e fitoi ligën me një ndeshje të mbetur.
Skuadra e Pep Guardiolas mund të arrijë maksimumi 81 pikë derisa Arsenal veçse i ka 82, kur ka mbetur edhe një xhiro pa u zhvilluar.
Por, për Arsenalin mund të vijë edhe një sukses. Kjo pasi skuadra nga Londra është në finale të Ligës së Kampionëve, për herë të parë në histori të klubit.
Fitorja ndaj Paris Saint-Germain në Budapest më 30 maj do të kompletonte dopjetën historike, duke e bërë këtë sezonin më të madh në histori të klubit. /Klankosova.tv