Osmani nderon ushtarët amerikanë

Në Arlington, presidentja Vjosa Osmani ka nderuar ushtarët e guximshëm amerikanë që sakrifikuan në shërbim të lirisë dhe paqes.

“Guximi dhe përkushtimi i tyre është frymëzim për një botë të lirë dhe të sigurt. Lidhjet e thella dhe vlerat e përbashkëta ndërmjet Kosovës dhe Shteteve të Bashkuara janë ngritur edhe mbi këtë kontribut”, ka shkruar Osmani në Facebook.

Duke kujtuar këta heronj, Osmani ka theksuar se riafirmojmë angazhimin tonë për t’i mbështetur parimet për të cilat ata luftuan.