Homazhe në Tiranë në nderim të Kadaresë

Në Tiranë po bëhen homazhe në nderim të jetës së shkrimitarit shqiptar, Ismail Kadare, i cili u nda nga jeta më 1 korrik.

Arkivoli me trupin e pajetë të Kadaresë u vendos në hollin e Teatrit Kombëtar të Operës dhe Baletit në kryeqytetin shqiptar.

Qytetarë të shumtë, në mesin e tyre bashkëpunëtorë të tij dhe personalitete të fushave të ndryshme, po marrin pjesë në homazhe.

Të pranishëm janë edhe personalitete nga Kosova – si presidentja Vjosa Osmani, kryeministri Albin Kurti, kryetari i Kuvendit, Glauk Konjufca – si dhe vende të tjera.

Shkrimtari i ndjerë varroset sot në Varrezat e Tufinës në Tiranë.

Shqipëria ishte në zi kombëtare dje dhe sot, ndërsa Kosova sot.