Xhudistja Sidorela Dodaj zë vendin e pestë në Kampionatin Evropian të xhudos për U-18

Xhudistja jonë, Sidorela Dodaj, ka zënë vendin e pestë në Kampionatin Evropian të xhudos për U-18, që po mbahet në Sofje të Bullgarisë.

Ajo shënoi tri fitore në kategorinë -48 kg, por u ndal në gjysmëfinale dhe luftën për medalje të bronztë.

Vendi i pestë në Evropian vlerësohet sukses dhe dëshmi se Sidorelën e pret e ardhme e ndritur.