E rrahu vëllanë e vogël e bëri për spital, arrestohet një person në Shtime

Një person është arrestuar pasi kishte ushtruar dhunë fizike ndaj vëllait të tij të mitur.

Sipas raportit 24 orësh të Policisë së Kosovës bëhet e ditur se ngjarja ka ndodhur të dielën rreth orës 09:00, në Shtime.

Tutje bëhet e ditur se viktima si pasojë e dhunës kishte pësuar lëndime dhe ka pranuar tretman mjekësor.

“Është arrestuar i dyshuari mashkull kosovar për shkak se kishte ushtruar dhunë fizike ndaj vëllait të tij të mitur, viktimës mashkull kosovar i cili si pasojë e dhunës kishte pësuar lëndime dhe ka pranuar tretman mjekësor”, thuhet në raport.

Në raport bëhet e ditur se i dyshuari pas intervistimit me vendim të prokurorit është dërguar në mbajtje.