Komisioni Qendror i Zgjedhjeve ka njoftuar se më 12 maj 2026 është përmbyllur afati për subjektet politike për dorëzimin online të listës me emrat e kandidatëve për deputetë, për certifikimin e pjesëmarrjes në zgjedhjet e parakohshme për Kuvendin e Kosovës.
Gjatë periudhës 11-ditore (2 maj – 12 maj 2026), KQZ ka pranuar listat e kandidatëve për deputetë nga 23 subjekte politike, prej të cilave: • 18 parti politike; • 3 koalicione; • 1 nismë qytetare; • 1 kandidat i pavarur.
Katër parti politike, të cilat më herët kanë njoftuar pjesëmarrjen në zgjedhje, nuk kanë dorëzuar listën me emrat e kandidatëve për deputetë.
Numri i përgjithshëm i kandidatëve që përfaqësojnë këto 23 subjekte politike është 917, prej të cilëve: • 603 burra; • 314 gra.