Ndahet nga jeta ish futbollisti i KF ‘Vëllaznimi’, presidenti Ademi ngushëllon familjen Halilosmani

“E nderuara Familje Halilosmani! Me pikëllim të madh e morëm lajmin për vdekjen e ish-futbollistit të KF Vëllaznimi, Zija Halilosmanit, ndaj më lejoni që në emrin tim, të KE të FFK-së dhe tërë komunitetit të futbollit të ju shprehim ngushëllimet tona më të thella dhe të sinqerta. Kontributi i Zija Halilosmanit ishte jashtëzakonshëm për futbollin e Kosovës e në veçanti për KF ”Vëllaznimi”, ngjyrat e të cilit i mbrojti për një kohë të gjatë në vitet shkëlqimit të klubit kuqezi 1965/1975.Zija Halilosmani la gjurmë të thella në futbollin gjakovar, ndërsa u shqua me vitytet e tij prej njeriu intelektual dhe të urtë. I përjetshëm qoftë kujtimi për Zijan! Me respekt, Agim Ademi, president i FFK-së”, është thënë në telegramin ngushëllues të presidentit Ademi.