Bostoni e fiton me zor ndeshjen e parë në serinë ndaj Indianës -VIDEO

Boston Celtics kanë shënuar fitore ndaj Indiana Pacers në ndeshjen e parë të finales së Konferencës Lindore në NBA.

Keltëve iu desh koha shtesë që të ngadhënjejnë në shtëpi me rezultat 133:128.

Madje, një trepikësh i Jaylen Brownit në sekondat e fundit ua kishte mundësuar shtesën, pasi që vendësit kishin qenë duke humbur.

Jayson Tatum u shqua me më së shumti pikë, 36, shto këtu edhe 12 kërcime, te të Gjelbrit.

Në anën tjetër, Tyrese Haliburton pati më së shumti te Pacersat, 25 sosh, bashkë me 10 asistime.