E papritur, Toni Kroos tërhiqet nga futbolli i luajtur

Toni Kroos e ka dhënë një lajm shokues për tifozët e futbollit.

Ylli gjerman ka njoftuar përmes llogarisë së tij në Instagram se do të pensionohet nga futbolli pas përfundimit të Kampionatit Evropian.

Futbollistit të Real Madridit do t’i skadojë kontrata me klubin spanjoll në fund të sezonit dhe ka vendosur të mos e vazhdojë atë, respektivisht ta mbyll karrierën.

Paraprakisht, Kroos synon ta fitojë edhe Ligën e Kampionëve me “Los Blancos”, me të cilët e fitoi titullin e kampionit në La Liga. Kroos u rikthye së fundmi në Kombëtaren gjermane, me të cilën do të mundohet ta shijojë në maksimum Euro 2024 dhe ta fitojë atë në atdhe.