Vdes Xhavit Ferizi-Raketa, ish-pjesëtar i UÇK-së

Ka vdekur Xhavit Ferizi (Raketa), ish-pjesëtar i Ushtrisë Çlirimtare të Kosovës dhe ish-truproje i ish-presidentit të Kosovës Hashim Thaçi.

Xhavit Ferizi ishte nga fshati Plluzhinë e Skenderajt. Për vdekjen e tij kanë njoftuar njerëzit e afërt me të ndjerin.

Milaim Cakiqi, mik i ngushtë i ish-presidentit Thaçi ka shkruar se Raketa e ka fituar cdo betejë, në luftë e në paqe.

“Por, jo edhe betejën me kancerin. Do të më mungojnë shumë muhabetet e orëve të vona, Raketë. Do të na mungosh të gjithëve, vëlla! Fatkeqësisht, vdekja na ndau! U prehsh në paqe Xhavit FERIZI, mik i mirë dhe besnik!”, ka shkruar ai.

Po ashtu edhe Vlora Çitaku, nënkryetarja e Partisë Demokratike të Kosovës ka reaguar për vdekjen e Xhavit Derizit (Raketës).

Ajo e ka kujtuar ish-ushtarin e UCK-së dhe ish-truprojën e ish-presidentit Hashim Thaçi luftëtar e legjendë.

“Raketë, s’po mundem me besu që nuk je më. Në fakt, kam besu që njerëzit si ti nuk na lënë kurrë.   Epik. I madh. I pashëm. I guximshëm. I drejtë. Luftëtar.  Legjendë. Pusho në qetësi. Kam me të kujtu përjetë”, ka shkruar Çitaku.