Presidenti i Federatës së Futbollit të Kosovës, Agim Ademi, ka marrë pjesë në punimet e Kongresit të 76-të të FIFA, ku janë diskutuar çështje të rëndësishme për të ardhmen e futbollit global.

Pas përfundimit të kongresit, Ademi është takuar me presidentin e FIFA-s, Gianni Infantino, me të cilin është riafirmuar përkushtimi për zhvillimin dhe avancimin e futbollit, përfshirë edhe mbështetjen për Kosovën.

Në fokus të diskutimeve ishte edhe Kupa e Botës 2026, ku u prezantuan pritjet për rritje të të hyrave nga shitja e biletave dhe aktivitetet e marketingut. Po ashtu, kongresi miratoi buxhetin e ri, i cili parasheh rritje të konsiderueshme të programit “FIFA Forward”, një mekanizëm kyç për mbështetjen e federatave anëtare.

Postimi i Ademit në ‘Facebook’:

Momente të vlefshme nga Kongresi i 76-të i FIFA-s 🌍⚽️🇽🇰

Pas përfundimit të punimeve të Kongresit bashkë me presidentin Gianni Infantino, ku u riafirmua përkushtimi për zhvillimin dhe avancimin e futbollit.

Bashkëpunimi me FIFA-n dhe mbështetja nga programi “FIFA Forward” mbetet kyç për rrugëtimin tonë dhe për projektet që na presin.

Në këtë kongres u diskutua për Kupën e Botës 2026, për pritjet e rritjes së të hyrave nga shitja e biletave dhe marketingu si dhe u miratua buxheti, me rritje të konsiderueshme të programit “FIFA Forward”.

Me punë dhe vizion të qartë do vazhdojmë të ndërtojmë së bashku të ardhmen e futbollit të Kosovës ⚽️🇽🇰

#MeFutbollinPërKosovën