Çitaku kritikon Kurtin dhe VV-në: Po krijojnë kriza dhe konflikte me aleatët

Nënkryetarja e PDK-së, Vlora Çitaku, ka kritikuar kryeministrin Albin Kurti dhe VV-në, për siç tha ajo, kacafytjet e tyre me ShBA-në dhe BE-në.

Përmes një postimi në Facebook, ajo tha se kacafytjet e tyre publike herë me ShBA-në, herë me BE-në u kanë sjellur vetëm një të mirë – “po ua lënë në hije skandalet e njëpasnjëshme në qeverisjen e brendshme”.

Tutje, Çitaku përmendi edhe emërimin e drejtorit të ri të KEK-ut, për të cilin tha se është zyrtar i VV-së.

Lexoni të plotë postimin:

Kryeministri dhe eksponentët e VV vazhdojnë të krijojnë kriza dhe konflikte me aleatët.

Kacafytjet e tyre publike herë me SHBA-në, herë me BE-në u kanë sjellur vetëm një të mirë. Po ua lënë në hije skandalet e njëpasnjëshme në qeverisjen e brendshme.

Dje një zyrtar i VV-së u emërua drejtor i KEK-ut. Kjo pas arrestimit të ish Drejtorit, i cili poashtu ka qenë zyrtar i VV-së.

Tashmë është e qartë, përplasjet me aleatët, në emër të sovranitetit, po bëhen për të kompenzuar mungesën e sukseseve në qeverisje , dhe për të mbuluar skandalet.

Nuk do të ketë jetë të gjatë kjo mendësi.