Peja bëhet me shtatoren e ish-presidentit Ibrahim Rugova

Sot është bërë zbulimi i shtatores së Ibrahim Rugovës në Pejë.

Kjo u bë në kuadër të shënimit të 16-vjetorit të Pavarësisë së Kosovës.

“Prijësi kthehet në Pejë! Para qindra e mijëra qytetarëve të Dukagjinit – në gjashtëmbëdhjetë vjetorin e pavarësisë së Republikës – zbuluam shtatoren e Presidentit Historik Dr. Ibrahim Rugova. Me këtë nderuam jo vetëm epokën e ndritshme të përpjekjes sonë për liri, pavarësi e demokraci, por nderuam vet Republikën e Kosovës, sepse Republika e Kosovës dhe emri i Ibrahim Rugovës janë një!”, ka shkruar në Facebook kryetari i LDK-së, Lumir Abdixhiku.