Presidenti i Federatës së Futbollit të Kosovës (FFK), Agim Ademi, ka bërë të ditur se gjatë vizitës së tij në Gjermani ka vizituar një kompani në Münster, e specializuar në prodhimin e ulëseve të stadiumeve.

Ademi ka thënë se ulëset e prodhuara nga kjo kompani përmbushin standardet më të larta evropiane dhe se vizita ishte pjesë e përgatitjeve për procesin e sigurimit të ulëseve për stadiumin qendror të Kampit Nacional të FFK-së në Hajvali.

“Synimi ynë është që çdo detaj i këtij projekti të jetë në përputhje me standardet moderne dhe kërkesat më të larta për infrastrukturën sportive”, ka shkruar Ademi.

Ai ka theksuar se FFK-ja do të vazhdojë punën për ndërtimin e një infrastrukture moderne për futbollin e Kosovës.