4.5 milionë vizitorë të huaj erdhën në Shqipëri për gjashtë muaj

4.5 milionë vizitorë të huaj erdhën në Shqipëri  në gjashtë muajt e parë të këtij viti, ose +34% krahasuar me vitin e kaluar. Kështu ka bërë të ditur kryeministri i Shqipërisë, Edi Rama.

“Ndërkohë kemi hyrë në pikun e flukseve turistike ku së bashku me operatorët privatë që çdo ditë prezantojnë ofertën shqiptare por edhe me përgjegjësinë e jashtëzakonshme të ofrimit të cilësisë së shërbimit, si edhe me bashkitë e me gjithë institucionet publike jemi në koordinim për mbarëvajtjen e sezonit veror”, ka shkruar Rama në Facebook.