20 mijë e 258 të vrarë në Gaza, 53 mijë e 688 të plagosur

Ka shkuar në 20 mijë e 258 numri i të vrarëve në Gaza, që nga fillimi i sulmeve izraelite më 7 tetor.

Të plagosur janë 53 mijë e 688, raporton The Guardian.

Ministria palestineze e shëndetësisë e kontrolluar nga Hamasi, tha në një deklaratë se të paktën 201 palestinezë janë vrarë dhe 368 të tjerë janë plagosur në Gaza gjatë 24 orëve të fundit.

Lidhur me këto shifra Shefi për çështje humanitare i Kombeve të Bashkuara, Martin Griffiths, ditë më parë tha se nuk janë fort të sakta, kjo për shkak se ka të atillë që janë nën rrënoja që nuk janë numëruar ende.